La vilaĝoj Lonau kaj Sieber originas de setlejoj, kiuj evoluis komence de la 16a jarcento pro la fondo de ferminejoj kaj ferproduktejoj.

La vilaĝon Lonau la unuan fojon mencias duka impostakto de la jaro 1615, sed jam en la jaro 1525 oni mencias forĝejon en Lonau.

La blazono de Lonau simbole indikas al estantaĵoj kaj pasintaĵoj same kiel al specialaĵoj de la loko. La ora ŝildo dividita per blua ondtimono supre montras amludantan urogalon, sube je la maldekstra flanko nigran starantan fagfolion kaj je la dekstra flanko krucigitajn nigrajn martelon kaj fandverŝilon.

La vilaĝcentro de Lonau kun la preĝejo troviĝas ĉe la kunfluejo de la riveretoj el la Kirchtal (preĝejvalo) kaj la Mariental (Maria valo). La blua ondtimono simbolas tiun ĉi situacion. La enloĝantoj elektis la urogalon kiel blazonbeston, interalie tial, ĉar oni ĉiam identigis sin kun la sukcesa laboro de la urogalbredejo, kiu ekde 1972 ekzistas por reenkonduki la urogalojn en la Harz regionon.
La fagfolio estas indiko al la forstumado kaj al la vilaĝnomo, ĉar “Lonau” signifas “fagplena rivervalo”. Ekde la 13a jarcento ĝis 1753 oni produktis feron en Lonau. Fandverŝilo kaj martelo memorigas pri tio.

Pliaj informoj ĉe www.lonau-harz.de!